證券分析呢一行，職業生命頗長，因為經驗好緊要。呢行亦唔須要什麼體力。最緊要吸收到經驗同埋識用電話/上網去落盤。以前英資行重training/經驗， 但是現在美資行重學歷，分析員做10年已經殘，好少可以經歷兩三個經濟循環。睇多幾個循環，經驗可以令你對自己的睇法更有信心。
70’s時，74年時香港失業率達10%，因為73年石油危機，油價升了4-5倍。當時香港用石油發電，政府實行用電管制，當時經濟依靠出口，美國一衰退，出口即時唔掂，工廠大規模失業，人人做小販。
當時高通脹，高利率，高失業率，無增長，三高一低。
樓市股市皆大跌，市民沒有錢。
林sir 的經驗是，74年跌到最低150點，但12月由300點跌到200點，林sir在工作的證券行見到有很大的買盤，是英國的機構投資者買香港股票，買匯豐銀 行/置地/怡和/太古。日日都買，買足3個月，由12月買到75年3月，由150點買到350點。買盤是來自英國的保險公司，原來當全世界都沒有人有錢的 時候，保險公司有最多錢，因為d人仍然供緊保險。
林sir當時問：為什麼150點買到350點都賺了一倍，為什麼不賣? 後得悉保險公司是做長線投資，買貨不是睇一兩倍就走，係睇幾個循環，最重要是投資的公司的質素。日後證明是對的，其中Legal & General 74年狂買匯豐銀行，今日仍持股>5%，跌市危機入面其他人沒有錢但佢有，可以買靚貨。
這是長線投資。
當時另一個客戶亦給林sir一個理念，Templeton當時買日本股票是經林sir工作的公司維高達買的。
Templeton 亦給予林sir很大的啟發。人人都話Warren Buffett是Benjamin Graham的徒弟，Warren Buffett賺錢是最多… 其實Templeton搵的錢比Buffett還多! Templeton搵錢的方式與Buffett不同。Warren Buffett的上市公司從不派息，是一個不派息的closed end fund。散戶只可在股市賣股。但Templeton在60’s已開始投資，林sir很bind Templeton的理念：Templeton係美國第一個睇好日本的fund，60’s日經只有幾百點時就開始買日本股票，長線投資，而且是 opened end fund所以賺到的錢是會派俾投資者。只收管理費，Templeton賺的錢是天文數字。
Templeton在70’s開始投資香港及新加坡的股票(台灣和南韓當時有資金管制)。
林sir喜歡Templeton的投資理念因為新興市場一定發展得快，只要揀到好公司，長線投資，一定事半功倍。投資General Motor就是一個反面教材(今天股價是50年前的股價)。成熟經濟再加上唔掂的行業，投資50年都係得個桔。
記住：新興市場 + 長線投資 + 好公司。
現時和70’s差好遠。到80’s初期(81-84年)，香港又再三高一低再加上政治因素(收回主權)，當時低點P/E只有5倍咋。而家唔係三高一低，係有 通脹，但利率只有5%，未到雙位數字，而國內開始控制到通脹。所以睇多幾個循環，你就知道個定位，知道今次個P/E會唔會去番5倍，會唔會去番97-98 年亞洲金融風暴時的7-8倍(當時300%利息)。
關於油價上升問題，人人都話投機問題，實際上美國佬對付呢個問題只可以用行政手段(不准炒margin)，但是布殊係油公司背景，所以現在唔會出招，可能留俾McCain，作為他的政治本錢。
現時和70’s不同，今次汽油由$2升到$4一gallon(升一倍)，而美國汽油只主要用在運輸方面。
關於國內證券行業，週期上落波幅十分大，所以證券行的P/E比銀行低。
林sir夠膽講，今時今日國內六間上市銀行，士但一間都好過任何一間美國最大的銀行。
因為銀行的發展，由細做到大，由大做到跨國，由跨國做到衍生工具，做到投資銀行…咁就弊/玩完啦。
國內上市銀行的cost/income ratio，大約30多%。
匯豐銀行在歐洲cost/income ratio是70%! (人工/福利/租金貴)
在美國是50%，在香港是~30%。
銀行的貸款由本錢限制。
所以很多銀行轉型，做財富管理/投資銀行/券商，咁就弊，尤其是券商。
券商生意很難做，因為券商/私人銀行都係講人脈關係，尤其是投資銀行，請人的成本很貴，一定要搵d最叻的人，做IPO要搵叻的banker，可以搵到好生 意，叻人人工自然高，投資銀行則是用自己的本錢去賭，例如Goldman Sach，百多個partner，每人07年有2500萬美元花紅，分完花紅才到股東，股東仲有無肉食? 今年成績好，但唔擔保明年一定搵到生意，投資銀行花紅係以搵到幾多生意而定 – 呢個係死症，所以為賺錢一定不擇手段，製造次按/CDS/…古靈精怪呃人的東西，今年分到花紅，出年執笠，咪bye bye囉。花紅太大造成partner短視，作為股東就慘。
所有投資銀行，林sir都不會買。銀行發展成投資銀行都要小心，例如UBS，搞到就快被人收購。
保險公司做投資銀行都要小心…
文章
沒有留言:
發佈留言