企業宜保持較高流動比率

曹仁超
2008/10/23

响熊市中，企業宜保持較高流動比率(Current Ratio，亦有人叫Liquidity Ratio或叫Cash To Assets Ratio)。簡單D嚟講，流動資產應係流動負債一點五倍；任何公司流動比率低於一都要小心，各位如要喺淡市投資，宜選嗰D流動比率一點五或以上o既公司 先好投資，起碼知道佢地唔會破產。

响熊市中損失慘重者，都係嗰D忘記問自己假如自己睇錯市點算o既人。你會睇錯、我會睇錯、四叔會睇錯、森 池兄會睇錯及股聖畢非德亦同樣可以睇錯。睇錯市唔係千古罪人，自古至今邊個無錯？只要知錯能改，便善莫大焉。我老曹最大優點就係勇於認錯，例如投資方面一 旦回落15％，便問自己有冇睇錯？一旦跌20％，便好肯定係自己睇錯。除止蝕外別無他法。

267事件當然唔會只得佢一間。銀行賣product點會剩係賣畀佢一間？390都有事，拉丁美洲都有公司中招。情形好似响屋企發現一隻曱甴，你唔會認為只有一隻咁少一樣。

企業倒閉潮都開始咗，裁員又點少得？大陸有好多廠都執咗，只係近排香港傳媒報導多咗先以為係近排o既事。