抵買唔代表可以買

曹仁超 (25/10/2008)

美元日圓強勢維持至明年初
De-leveraging及de-risking（去槓桿化及減少承擔風險）已成為投資主流，擋都擋唔住。日圓同美元已成為全球兩大強勢貨幣，估計強勢可維持到2009年首季，愈維持得耐，對全球經濟破壞愈大。(點解呢？)

抵買唔代表可以買
今天股市內淡友較好友多出30%，單單9月至今股市已跌咗30%。恒生指數平均PE進入單位數，即進入有投資價值水平。價 值投資法信徒早已認為大量股票抵 買，只係手上資金愈來愈有限。

我老曹睇法係：股市既然可以偏高，自然亦可以偏低，抵買並唔代表可以買。 請追隨趨勢（例如觀察250天移動平均線與50天線 鮋關係，以及出現一浪高於一浪後才入市）。價值投資法信徒一再被人詛咒，除畢非德外，另一位係GMO主席Jeremy Grantham，佢早喺1998年便睇淡科網股，長遠而言佢係啱鮋，但太早睇淡而錯過1999年賺大錢鮋日子。呢次Grantham睇好會否一如畢非 德，長遠而言係啱，不過已吃咗眼虧？

歐洲央行計劃再減息，而唔理會未來通脹率，估計明年6月可見2.5厘，同2003年鮋2厘低息仲有些少距離。

南韓第三季GDP只升0.6%，出口更跌1.8%，家庭開支只升0.1%。相信南韓將成為亞太區繼日本後第二個陷入衰退鮋國家，加上外債沉重，情況幾令人擔心。

中國政府刺激房地產計劃估計作用唔大，因為中國經濟仲係出口導向型而非內需型。