簡卓峰串曹Sir根本不懂波浪理論

曹仁超(11/11/2008): 波浪理論等同事後孔明
用波浪理論分析大市，今年3月18日20572點係浪1；5月5日26387點係浪2；10月27日10676點係浪3，依家行緊浪4，估計喺15767至18681 點之間任何一點完成，然後再行浪5（即終極一跌。細波浪分析由今年7月24日23369點起計，到10月27日已完成1、2、3、4及5下跌浪，家吓喺 a、b及c反彈浪）。我老曹1978年起學習波浪理論，到1997年前放棄，因發現波浪理論事後解釋幾好，但用佢推算未來，就錯漏百出。初期以為自己學藝未精，後來發現國際級波浪大師Prechter亦錯得離譜；咁樣我老曹只用作印證已發生嘅事，唔再用嚟預測未來。


簡卓峰(12/11/2008):波浪理論顯示向淡
筆者去年10月杪，才對波浪理論最感興趣，事實證明，10月31日提出沽空，11月2日提出大屠殺，以及一年來以A、B、C浪看淡大市至今，運用波浪理論很正確，完全先知先覺，本欄讀者十分清楚，不容抹殺。

至於有人把3月20572點視為1浪，5月26387點視為2浪，10676點為5浪……根本不懂波浪理論。1、2、3、4、5浪是小浪，通常為期半年以下，到進入六至十二個月，便該用中期（1）、（2）、（3）、（4）及（5）浪，超過十二個月，該用長期、、、及浪，再高一級是I、II、III、IV及 V浪，再高是（I）、（II）……及○Ⅰ、○Ⅱ……等等。因此，有人把今年10月10676點視為A-3浪，已經完全不合格，正確該是C-（3）浪才對，因該中期浪由1、2、3、4及5個延伸小浪組成【圖】，該升為高一級的（3）浪，這是波浪理論基本常識。