曹sir的2008

電視B推出了一連十集的「我的2008」，回顧了2008年的十項人和事。第一集：《股海仁心》，講述了經歷08金融風暴的曹仁超及其投資之路。曹sir在節目一開始就鼓勵香港人要樂觀面對經濟低潮，不要因金融風暴的打擊而自我放棄，否則，就變成是永遠的失敗了。

四十年股壇戰史

曹sir於1967年中學畢業，當年人浮於事，月入二百幾；由於乜工都做，曹sir好快就儲到五千蚊嚟炒股票。又因為專博高風險股票，祗用三年時間就賺得二十八萬，這數目夠買兩座半山豪宅。自大令曹sir炒孖展並將股票總值放大到一百萬，結果股市一跌就是30%，手上股票大蝕，幸運的是曹sir趁反彈離場時還有八千蚊落袋。

明暸局勢—洞悉致勝之道

1984年七月，中英聯合聲明時，香港的土地供應受限制，當時樓價五百蚊一呎、恆指祗有800點，一直揸到97年，恆指升了二十倍，樓價由五百蚊升到萬二蚊，也升了幾十倍，所以，在這段時期要買樓或地產股。而曹sir就用十五萬做首期去買六十五萬嘅樓，到97年上半年賣出時已值五百萬，利潤超過二十倍。另一例子是1989年，鄧小平話改革開放不變；曹sir話不應擔心政治事件，因對經濟影響有限。

曹sir指出，這兩次都是好的買入點，賣出點當然是97年；董生推出八萬五，房屋供應大增，價格如何不跌？曹sir賣了香港樓並轉買倫敦樓，在96至98年間共買了十間房屋，理由是曹sir相信香港樓是當頭跌，而倫敦樓則是當頭起。

另一好機會是SARS。曹sir話，祗要諗通SARS不會年年都有，就知道危中有機了。所以，曹sir在當年三月就叫人買樓收租，九月叫人買豪宅；曹sir自己就買了地產股，到07年十月賣出時，利潤已是本金的200%了。所以，人人皆醉我獨醒就是致勝之道。

海嘯中蝕二千萬是幸運

曹sir話自己在金融海嘯中損失二千萬，但還是幸運的；因為他已用了3 / 7 分，祗持有三千萬市值的股票……但雷曼事件發展快得令人無力反應，曹sir的三千萬股票去到十一月祗剩下一千萬的市值。曹sir話自己幸運，是因為他已採取保守策略，否則損失會更大。

曹sir話今次衰退跟以前不同，因為香港人今次有錢，但沒有信心；祗要商家能刺激起消費者信心，問題就能解決。曹sir話香港人十分醒目，懂得轉危為機。

三招應付危機

三招：(1) 睇得準。平時搜集資料，祗要搜集資料愈多，睇得準嘅機會愈大。(2) 反應快。好多人鍾意睇定啲，Sorry，呢個世界好多嘢唔可以睇定啲。雷曼事件祗得五日時間你做反應，如果你反應唔快，你會喺海嘯中消失。(3) 即時行動。當你知道你應該做咩嘢反應，你唔應該等個靚啲嘅價。如果你反應快過其他市場人士，你已經安全；如果你等，你最終會喺市場消失。

投資之道

三個W：(1) When，幾時買，幾時賣。喺07年十月買同喺08年十月買就完全唔同。(2) Where，邊到買，邊到賣。喺97年，買香港樓同買倫敦樓就完全唔同，萬二蚊呎同三千蚊呎，好唔同。(3) What，買咩嘢，賣咩嘢。喺08年，你買雷曼債券同揸美金已經係兩個世界。如果你了解呢三個W，你已經掌握了投資關鍵。

危機應變

投資策略可簡單跟你的性格與年齡有關。用100 減去年齡，如果你20歲，你可以用你嘅80%資本做投資。當年齡上升，資本雖然係多咗，但機會亦少咗；尤其當你年紀愈大，你愈輸唔起。

投資態度：反向思維

巴菲特話，你貪婪時我憂慮，你憂慮時我貪婪；就如恆指三萬二時應該憂慮而非貪婪，一萬零六百點時應該貪婪而非憂慮。

人生態度：每天笑一笑，人生真美妙

樂觀可帶來幸運。信仰可令人對得失睇開啲，當你可改變看事物的角度，你會感到高興。

展望新的一年，曹sir話08年好大機會已經係跌市嘅底，因為雷曼事件不會年年都有。不過，09年的經濟一定非常差，但股市走先於經濟，所以09年可以逢低潮買股。曹sir建議香港人在09年努力工作，保住份工、財富與健康，佢相信09年過後，10年會見到光明。

曹sir話07年是瘋狂的一年，08年是悲哀的一年，09年是緊守崗位的一年，而到2010年，曹sir保證你會見到光明。

最後，曹sir話自己最大的幸運是找到了身邊的太太，失意時有伴侶支持，瘋狂時有伴侶提醒，這是人生中最重要的東西。