瑞安房地產簡單講

2010/04/16

瑞安房地產(272)公布，截至去年底止，全年純利30.34億元，按年增長52%，每股盈利63仙，末期股息增至12仙。

期內，營業額升2.3倍至76.7億元；物業銷售升3.2倍至60.78億元；毛利率52%。已訂約銷售26.69萬平方米，涉及金額61.61億元。投資物業租金及相關收入升8%至6.43億元；可供出租總建築面積增至31萬平方米。淨資產負債比率23%。
瑞房的業績公布大家已經睇過，營利增長咁勁，小股東們應該好滿意，帳面值由08年每股4.2港元，增加至09年5.3港元，現價3.82，P/B = 0.72，看派息，08年每股派7.2仙，09年派12仙+1仙，股息率超過......3厘，而負債比率為23%，非常穩健。業績報表如下:
http://www.hkexnews.hk/listedco/listconews/sehk/20100415/LTN20100415410_C.pdf

昨日瑞房收市價$3.82，咁你地會問抵唔抵買，如果看報表第16頁，瑞房的總股數是48.23億股，市值就 = 3.82 x 48.23億 = 184.24億。咁一間市值182億的公司一年賺多少錢? 再看報表第二頁的綜合收益表，第一項是營業額，09年營業額76.7億，比08年的67.6億增加了13.4%，嘩! 一年賺七十幾億，兩年幾歸本，呢盤生意真係好發，不過營業額不是純利，起樓都要成本啊! 例如地價、鋼根、水泥、建築工人薪酬等等，那就是第二項銷售成本36.65億，營業額減去成本就是毛利40.05億，呢個都唔係純利，要做生意還有銷售開支、市場開支、行政開支等等，減去後就是經營溢利34.11億，呢個數都唔係純利，因為未交稅款，經營溢利加埋物業與權益加減值的東東，就變成稅前溢利，減去14.77億稅款，就是年度溢利29.43億，這就是純利，

一間市值184億的公司，一年賺29億，即係一蚊賺一毫六，E/P = 16%，或 P/E = 6倍，做6年歸本，嘩! 好抵啊! 咁你是否願意用3.82買入一股瑞房股票呢? 還有，公司把09年約兩成的純利派給股東做股息，保留8成純利做營運資金，你滿意嗎? 再講，現在中央極力打壓樓市，國內樓市可以再無運行一年半載，間公司是否頂得順? 公司淨資產負債率只是23%，非常穩健，就算面對逆境，呢盤生意都有得守。

以上的東東可能好煩，今日就寫咁多，報表分析是股票投資的基本功，希望大家對會計帳有個初步概念。簡單來講，買入一隻股票就是擁有一盤生意的部份股權，當你買入部份生意的時候，你要看看盤數，究竟盤生意係唔係咁好賺? 同樣的一筆資金，有無更好的投資機會? 呢種就係基礎分析，名門大派，少林武當，好過學那些止賺止蝕、圖表、走勢、海鯊、巨鯨。引用(0) 知多一點：
只要中國人富起來，他們就會買樓，這是不會改變的事實!!!
http://hk.myblog.yahoo.com/jw!8Hy1o76eERq2eiPNWGQ-